About Us

عن سكاربيللا - Scarpella

الحكاية بدأت من قلب المصنع.. في سكاربيللا، إحنا مش مجرد علامة تجارية بتبيع أحذية وشنط؛ إحنا كيان مصري متكامل اتأسس على إيد إتنين إخوات، محمد حسن & علاء حسن، بهدفين أساسيين لا يتجزأوا: "تمكين المرأة المصرية من اقتناء منتج عالمي، بأيادي مصرية، بسعر عادل يحقق مكسباً حلالاً يوفر لنا ولكل العاملين معنا حياة كريمة، ويضمن لنا الاستمرار والتطوير."

ليه سكاربيللا مختلفة؟ إحنا بنؤمن إن التكنولوجيا وعلم الإدارة هما أساس أي صناعة ناجحة. وعشان كده، بنعتمد على أحدث طرق التصنيع لضمان إن كل قطعة بتخرج من مصنعنا تكون "شيك، متينة، وماشية مع أحدث خطوط الموضة".

— من المصنع ليكي مباشرة (بدون وسطاء): دي نقطة قوتنا الحقيقية واللّي مش متوفرة عند كيانات كتير؛ إحنا ألغينا دور الوسيط تماماً، وبندير التسويق والحملات ونظام البيع بأنفسنا كإدارة مباشرة من قلب المصنع. كل جنيه بتدفعه في منتجنا بيروح مكانه الصح جوه "الخامة، الجلد، الإكسسوار، والتفاصيل"، مش بيروح في عمولات وسطاء أو مصاريف تضخم وهمية. إحنا بنصنع بنفسنا وبنسوق لنفسنا، والنتيجة دايماً في مصلحتك: سعر عادل يحقق لنا استدامة مكسبنا ، ويقدملك قيمة حقيقية بلا ألاعيب أو خصومات مصطنعة.

— بكل فخر.. صنع في مصر: بنعتز بكل "غرزة" في منتجاتنا، لأن اللي بيقوم عليها هما إخواتنا وأولادنا من الأيدي العاملة المصرية الماهرة، اللي بنعتبرهم عيلتنا الكبيرة وشركاءنا في كل نجاح بنحققه.

— سعادتنا في استمراريتك: مكسبنا الحقيقي مش في أول أوردر بيوصلك، لكن في اللحظة اللي بترجعي تطلبي فيها تاني ليكي ولحبايبك، وتكوني فخورة بإنك لابسة براند مصري بيقدم الجودة دي بكل أمانة.

وعدنا ليكي: الجودة هي لغتنا الأولى، والشفافية هي أساس علاقتنا بيكي. وعشان كده، دايماً بنوفرلك ميزة "المعاينة قبل الاستلام"، لأننا واثقين إن "سكاربيلا" هتخطف قلبك من أول نظرة.

سكاربيلا.. حيث تلتقي الشياكة بجودة الأصل. بإدارة الإخوة: محمد حسن & علاء حسن